Eleberri beltz on guztiek bezala, kontakizun hau botereari sakonetik egindako kritika da, itzalpetik abiatuta edonongo bizitza soziopolitikoa urratzen duen botereari, hain zuzen ere. Narrazioaren arintasunak, elkarrizketa onek, umore finak, ironia sotilak eta batez ere Heredia detektibeak egiten dute handi eleberria. Antiheroitik gertu dagoen pertsonaia, Eterovic-ek sortu eta saga baten protagonista bihurtu den gizona dugu. Diaz Eterovic-ek hiri handietan bizi diren biztanle anominoen bakardadea islatzea lortu du, esparru marginalenak,boterearen ustelkeria, bidegabekeria, bortxa, segurtasun gabezia, beldurra… edozein tokiri atxikitzen zaizkion elementuak, azken batean.
