1936ko Gerrak milaka gizon eta emakume, milaka haur eta agure harrapatu zituen. Eleberri honek protagonista anonimo horien arteko hiru berreskuratzen ditu. Beldurrari eta euren buruei ihes egin nahi dieten hiru miliziano. Lurrari eta zementuari lotuta dauden hiru borrokalari. Gertaerek baldintzatu egingo dituzte hiruren gogoetak, eta hiruren bizitzak existentziaren tonu ilunenetara lerratuko dira. Bakardadean bildurik eta heroien balentria handietatik urrun, liburu honetako hiru protagonistak erraietarainoko beldurrak eta batere heroizidaderik gabeko kezkak harrapatuko ditu. Egoeraren mingostasunean, ordea, bizirik irautea, naturak egin ohi duen moduan, izanen da bidea aurrera egiteko. Azken batean, gerra atzeko oihal gisara duen gizakiaren azterketa literario ederra da liburu hau.
