Gure garaiko borroka ideologikoetan eta gatazka armatuetan giroturiko eleberri honek inbaditu berria izan den herri baten giroa islatzen du. Garai eta leku zehaztu gabean, armada anonimo bat da edozein izan zitekeen guda baten protagonista. Garaituak izanen direla dakiten garaileen drama da hau. Hil dezakete, baina ez nagusitu. Irabaz dezakete, baina ez konbentzitu. Indarra dute, baina ez arrazoia. Azken batean, ilargia beti ateratzen da berriro borrokan irauten duten herrientzat. Hala dio egileak, ipuin luze bezala irakur daitekeen eleberri labur honetan. 1962an Literatura Nobel saria eman zioten, eta Steinbeckek saria onartu zuen, idazleak bidegabekerien salatzaile eta idazle izan behar duela adierazi eta gero.
