Portugalgo nekazal eskualde batean lekutzen da eleberri berezi hau: Alentejo deituan. Tradizioek oraindik ere indartsu jarraitzen duten ingurune hartako herrixka batean, Irisalva, berarekin ezkonduko ez den Don Juan batek seduzitzen du: Delfino Freirek. Arrebaren amodioak sortzen dion amorruak eraginda, Irisalvaren nebak, Armeniok, Delfino zikiratzen du. Azken batean, Irisalvaren askatasunaren aldeko aldarri bihurtzen dira orrialdeak. Izan ere, nebarekin bizitzea ez da erraza. Armenio gorrotatu egiten du Irisalvak, bere maitaleari horrelako basakeria egin izanagatik. Gorrotoa da senideen arteko uztarri bakarra. Istorioak bezainbesteko garrantzia du, ordea, lan honetan istorioa kontatzeko moduak. Nekazarien bizimodua eta herrixka txikietako giroa islatzen du Tavaresek. Poesia hutsa dira orrialdeok.
