1994ko abuztuaren 24ean milaka uruguaiar elkarretaratu ziren Montevideoko Filtro ospitalean Estatu Espainolak eskatutako eta gose eta egarri greban ziren Josu Goitia, Luis Mari Lizarralde eta Mikel Ibañez euskal presoei haien elkartasuna erakusteko. Era berean, han bildutakoek Uruguain aspalditik ezarritako asilo-eskubidea mantendu zedin aldarrikatzen zuten. Tamalez, berriz ere, Estatuen interesek herrien elkartasunaren aurrean ez entzunarena egin zuten: poliziaren errepresio bortitzak Montevideoko kaleetan hildako bi eta ehunka zauritu utzi zituen. Hamabost urte igaro eta gero, Filtroko gertaerak Uruguaiko politikan itxi gabeko zauria dira, hango herriarentzat harrotasunerako eta euskaldunentzat alaitasunerako arrazoia den bitartean. Betiko iraungo duen bi herrien arteko samurtasun une bat. Liburua gertaeren inguruko erreportajedun DVD batek osatzen du. Filtron jazotakoa islatzen duten irudiek eta bertan egon ziren pertsonei elkarrizketek hornitzen dute.
