Gerra bukatuta, frankismoaren aurkako 2.000 preso baino gehiago eraman zuten Erronkari eta Zaraitzu ibarretara, Nafarroako Pirinioetara, mendian errepide bat egitera. Errepide hori liburuaren ardatza da eta hartatik aurkezten dira gatibu lanetako batailoiek zituzten antolakuntza kezkagarria eta, gizartearen gainean, eragina. Orrialde hauetan zehar, eta zuzeneko testigantzen bitartez, gerran garaiturikoak fisiko eta psikikoki menperatu nahi zituzten batailoien errealitatea ezagutzen hasiko gara, gatibuek muturreko egoeretan bizirauteko baliatzen zituzten estrategiak entzunen ditugu eta bortxazko lan haiek bai mendiko herri txikietako populazioan bai frankismoaren esklaboen familietan izan zituzten ondorioetara hurbilduko gara. Ikerkuntza lan zabala, zehaztasunez beteriko dokumentu eta zerrendak gehituta, zeinak errepresio frankistaren alde ezezagun eta krudelenari buruz, bortxazko lanari buruz alegia, hamarkadotan ezarririko isiltasun harresia hautsi nahi duen.
