Izenburua irakurri eta, akaso konturatu zara liburu hau ez dela ohikoa. Ez da biografia bat, ez da autobiografia ere... autobiongrafia da. Jokin Gorostidi eta Itziar Aizpuruaren biongrafia da. Itziarrek soilik idatz zezakeen Jokinen biografia. Baina, nola kontatu Jokinen historia, azken hamarkadetako historia, berea kontatu gabe? Ezin. Horregatik liburu hau biografia bat da, biongrafia bat, baita guongrafia bat. Jokinen historia, pertsonala izanik ere, kolektiboa delako. Txabi, Xanti, Josu, Jokin... Euskal Herriaren alde borrokatu egin duten hamaika gizon-emakumeen biografia da hau.
