Hil zenean merkatari entzutetsua zen Napumoceno jauna, eta Mindelon guztiek begirunea erakusten zioten. Testamentu luzearen irakurketak, ordea, hildakoaren bizitzaren eta izaeraren gaineko argi berria eskaini zuen. Izan ere, nori otu zitzaiokeen Napumoceno jauna bulegoa garbitzen zuen andrearekiko amodio kontuetan has zitekeenik, gelako bazterretan eta idazmahaiaren gainean alaba bat egiteraino helduta. Orrialdeek aurrera egin ahala, irakurleak gizon harrigarri, aberats eta berezi honen baitan Cabo Verdeko bizitzaren isla aurkituko du. Germano Almeidaren eleberri hau mugarria izan da herrialde hartako liburugintzan eta, gaur egun, Afrikan sortzen den literaturaren idazle garrantzitsuenetakoa da egilea.
