Thomas Sankara (1949-1987) Burkina Fasoko presidentea izan zen 1983tik 1987ra. Izaera karismatikoaren eta ideia marxista eta pan-afrikaniar sendoen arteko nahasketa indartsua zuen, eta horrek bere gobernua bultzatu zuen hainbat ekimen aurrera eramatera, ustelkeriaren eta inperialismo frantsesaren aurkakoak, besteak beste; hezkuntza, medikuntza, nekazaritza eta emakumearen egoera hobetu zituen, lurrak, meategiak eta zerbitzu publikoak nazionalizatuz. Lorpen guzti horiek «Afrikako Che Guevara» ezizena ere eman zioten. Bere programa iraultzaileak oposizio indartsua piztu zuen erdi maila urri baina boteretsuaren buru tradizionalengan, baita Frantziaren mesfidantza sortu ere. Eragile horiek Sankararen gainbehera eta erailketa ekarri zuten berekin, 1987ko urriaren 15ean egindako estatu-kolpe odoltsuaren bidez.
