Frankoren jarraitzaileek sei mila euskaldunetik gora erail zituzten 1936ko Estatu kolpearen osteko urteetan. Zifra beldurgarri horren baitan mundu garaikidearen tragediarik handienetakoa dago. Frankismo garaian babesgabetuak eta baztertuak izandako biktimak, haien familiak eta idealak ahaztuak izan dira duela oso gutxi arte. Aurrenekoz eta ikerketa berri batzuei esker, emakume eta gizon hauen izen-abizenak argitara atera dira, ukatu zitzaien protagonismoa berreskuratuz. Honekin batera atxiloketen eta fusilamenduen nondik norakoak ere azaltzen zaizkigu, Frankoren nahiak bete zituzten borreroen deiturak, izua ezartzeko metodoak, laguntzak, bereziki emakumearekin tematutako errepresioa, kartzela… Obra honek aipaturiko zitalkeriaren zehaztasun denak eskaintzen ditu, xehatu, eta ondoren interpretatzeko. Frankismoaren gordinena ezagutzeko tresnarik baliagarriena da.
