Bizitza libertinoa izan duen hirurogeita zortzi urteko emakume brasildarra da liburu honetako narratzailea. Bere hitzetan, bizitza larrua jotzea da, eta kontu horretan atzeratuak gaude, ezin atzeratuagoak. Horregatik, "hau irakurtzen duenari desira piztu nahi diot, masturba dadila gutxienez" dio. "Nahi dut sexuaren suak emakume guztiak harrapa ditzan, eta beren buruari debekatu dizkioten guztiekin larrua jo dezaten. Luxuriazko eta lizunkeriazko giroa sortu nahi dut. Mugatutako emakumeak mugak eta neurriak pikutara bidaltzen ditu momentu horietan, arazo guztiak ahazten ditu. Horiek nahi ditut kitzikatu, txortan eginarazi nahi diet, senarrak, senargaiak eta aitak beldurrez airean jarri nahi ditut, eta debeka diezaietela emakumeei liburu hau irakurtzea, batzuei lotsa emango die jendaurrean irakurtzeak, beste batzuk ez dira ausartuko liburu dendan eskatzera. Deus apartekorik ez naiz egiten ari, egia kontatzen dut, besterik ez".
