Terrorismoa da, New Yorkeko dorre bikien aurkako erasoaz geroztik, komunikabideek gehien zabaldu duten hitzetako bat. Orain arte argitaragabea zen lan honetan, kazetari entzutetsuekin izandako elkarrizketen bidez, Chomskyk gogoeta egiten du autoritatearen, boterearen, etikaren eta justiziaren artean dagoen harremanaz, Irak indarrez hartuz geroztik irekita dagoen mundu-politikaren testuinguru berri honetan. Era berean, lehen potentzia mundialaren papera, asmoak, errespontsabilitate eta ahulguneak aztertzen ditu.
