Gure iraganari buruz kontatu diguten gezurrik handienetakoa da 1512ko uztailean Nafarroaren konkistari buruz esan diguten guztia. Lan honetan, egileak, dokumentuen, lekukotasunen eta hainbat testuren bidez, frogatu egiten du gezurra gezurraren atzetik esan digutela nafarroi. Konkista bortitz, odoltsu eta krudel hura, gaur egun, 1982ko Foru Hobekuntzaren testuan jasotzen den moduan, "Espainiaren batasun nazionalaren sorreraren prozesu historikoa" bihurtu digute. Liburu honek gezur handi hau salatzeaz gain, gezurra diotenek gezurra esan behar izateko dituzten arrazoiak ere azaleratzen ditu. Azken bost mendeotako Nafarroaren historia errepasatzeaz gain, gaur egungo agintari nafarren jokaera ulertzeko hainbat giltzarri ematen dizkigu.
