8 urtetik aurrera. Hamaika urteko neska da Atxu. Urtero bezala, aitonaren baserrian igaroko ditu oporrak, kostaldean, Manu lehengusuarekin batera. Aurten, gainera, txalupan ibilaldia egingo dute aitonaren lagun batekin, eta Lauterdi pirataren kontuak ezagutuko dituzte. Altxorraren berri izan orduko misterioa nagusituko da egunero, eta bi lehengusuak ikerketan murgilduko dira. Ezustekoak, ordea, bata bestearen atzetik iritsiko zaizkie. Atxuk oporretako lehen egunean erositako koadernoan idatziko ditu guztiak. Liburu hau da bere koadernoa.
