Laudanoa eta sutautsa, edo plazerra eta heriotza. Eros eta Tanatos. Muturbi horien artean mugitzen da liburu honi izena eman dion narrazioa, zeina 1912ko Bilboko girora eginiko bidaia den. Indalecio Prietok tiro egin zuen egunean, negua zen. Abandoko plazan han bildu ziren milaka arrantzale, makina bat baserritar, baporez zein trenez Bilbo barruraino ekarriak eurak, Urkijo eskumako handikiaren itzalean... kondatzen digu horko pasarte batean.Beste narrazioak ere hainbeste txango dira; Erdi Aro mitifikatu hartatik azken gerra ondoko anarkisten giroraino. Narrazio bakoitzak bere giroa sortzen du, baina guztiek dute aipatutako ezaugarri amankomun hori, hots, atseginaren bilaketa eta heriotzaren ezinbestea.
