Askapen mugimendu guztiek –feministak, homosexualak, lesbikoak, transexualak edo queer delakoak– sailkapen kontserbakor eta unibertsaletatik urrun den berdintasunerako bidea erakutsi digute. Generoak –gizonak, emakumeak eta transexualak– definitzeko moduen ibilibide historikoa eginez sailkapen modu berriak bilatu ordez, patriarkatuak ezarritako mitoak aztertzeko gonbita egiten digu liburu honek. Halaber, gizarteak inposaturiko rolak haustea, estereotipoak bertan behera uztea, aniztasunak dakarren aberastasunaz jabetzea, paperak aldatzea, mugak gainditzea, desira askatzea, noizbehinkako aferan samurtasuna txertatzea, eta emozioak adierazten ausartzea; guzti horretarako bide eman nahi digu liburuak. Laburtuz, etiketetatik harago bizitzen ikastea.
