Terra sigillatakiak dakarzkigu liburu honek. Bizi dugun ingurune gordin, nabar, zalantzakor eta euskorraren puskak. (A)Saltus Vasconum, (Des)Ager Vasconum, (A)Mare Vasconum: fantasiazko eta egiazko hiru espazio. Horietan barrena ikusiko ditugu Hitzaz Mendi elkarteko kideak etengabeko joan-etorrian, ahotsen anabasatik ahots bateratuaren bila. Oroimenaren eta errealitatearen pitxer hautsia berrosatu nahian. Erakargarri bezain eztabaidagarria. Atseginez zein atsekabez, ezein irakurle ez hotz ez bero utziko ez duen liburua duzu honako hau.Terra sigillata (lab. TS): "Zigilaturiko lurra", latinez. Zeramika erromatar arrunta, gorri kolore dirdiratsukoa, enperadorearen zigilua ohi zeramana.
