«Jakin ezazue, goiz baino beranduago, gizaki librea pasatzen den lekutik zumardi zabalak ireki egingo direla, gizarte hobe bat eraikitzeko». Radio Magallanesetik jaulkitako hitz hauekin, Salvador Allende azken aldiz zuzendu zitzaion Txileko herriari. 1973ko irailaren 11 zen, kolpe militar batek Herri gobernua eta Allende beraren bizitzarekin amaitu zuen eguna. Liburu hau, Salvador Allendek bere bizitza politikoan zehar egindako diskurtso ezagunenen bilduma da. Historia ulertzeko ezinbestekoak, joan den mendeko lider esanguratsuenetako batek egin zitueneko freskotasuna eta indarra gordetzen dute oraindik.
