Txabi Etxebarrietak idatzitako guztia altxor txikia da, ez bakarrik bere balio politiko eta ideologikoagatik, baizik eta balio literarioagatik ere. Txabi poeta handia zen, prosaegile nabaria eta saiakera-egile nabarmena. Eginak izan zirenetik urte askotxo pasa direnean, Txabiren poema eta idazkiak bizinahi eta sentsibilitate-erakuspena dira; haietan zehar baino ezin da ulertu Txabiren izaera trinko eta erabakiorra, bere bizitza laburraren ezaugarri zirenak.
