MATXINADA euskal gazte mugimenduaren historiaren azken partean barnako ibilbidea da. Hasieran Irlandan argitaraturik, autoreak "gaur egungo euskal gazte mugimendu erradikal" deitzen dituenen adierazpenak eta erakundeak deskribatzen zituen lehen obra izan zen, erradikal hitza apustu partzialei eta erantzun epelei kontrajarririk erabiltzea aldarrikaturik, eta Euskal Herriko gazteriaren jarrera aktiboa nabarmendurik, Europako testuinguruan gazteak erabaki guneetatik gero eta urrunago baitaude. Sektorerik gazteenek Euskal Herrian, azken hogeita hamar urteetan, berdintasunaren, justizia sozialaren eta independentziaren aldeko borrokaren prozesu luze eta gaitzean izaniko inplikazio eta parte-hartze mailak egile irlandarrarengan pizturiko interes eta jakin-minetik sortu zen obra hau.
