Aurrerapenen eta aurreiritzien artean kateatutako herrialde batera garamatzan narrazio ederra da liburu hau. Erlijioak eta fanatismoak bide luzea egin du, eta egileak ederki ezagutzen du giro hura. Horregatik, idazkera bortitza eta samurra eskaintzen diogu aldi berean, amorruz zein maitasunez ari denaren hitza, eta Sultana aurkezten digu, erbestean beldurra eta mehatxuak ahaztu eta berriro ere Aljeriara itzultzen den protagonista. Itzulera ez da erraza, eta askatasuna aldarrikatuz itzultzen den emakumearen halabeharra heriotza dela sinesten duen herrian, egunerokotasuna bizirik irauteko duintasun ariketa bihurtuko da Sultanarentzat. Azken batean, eleberri bihurtutako borroka eta borroka bihurtutako eleberria dugu Malika Mokeddemen azken lana.
