Mark Legassek 1986an Egin egunkarian kaleratutako gutun bati beste sinatutako kolaborazio batek erantzun zion, Jakue Pascual gaztearenak, hain zuzen. Bi pentsalari horien ideiek bestearengan sorrarazitako liluraren ondorioz, Anarkherria izeneko obra sortu zuten. Hogeita bost urte eta gero, egileetako batek, Jakue Pascualek, orduko testu fresko, akrata, ganberro eta sakonaren inguruko edizio kritiko hau idatzi du. Izan ere, liburu hark 1980ko hamarkada markatu zuen Euskal Herrian, eta itxuraz elkarrengandik hain urrun zeuden bi pentsamenduren lotura hobeki ulertzen lagundu zigun: abertzaletasuna eta anarkismoa.
