Gure herrian historia egunez egun egiten da; hori dela eta, askotan, ez dugu astirik bidean geldialdi bat egin eta egindako ibilbideari soseguz erreparatzeko. Hori da, hain zuzen ere, liburu honen helburua: gaur egunetik hurbilen daukagun historia biltzea. Ariketa hori lehenengoz LAB sindikatuaren historia. Langile Abertzaleen Batzordeak. 1975-2000 (Txalaparta, 2000) lanak egin zuen, eta, orain esku artean duzun liburu hau orduko ahalegina osatzera dator. Sindikatuak sei herrialde historikoetara egindako hedapena, Iruñean buruturiko seigarren biltzarra, gure herriaren eskubide zibil eta politikoen defentsa, justizia eta elkartasunean oinarrituriko gizarte eredu berri baten aldeko konpromisoaÉ mende hasiera honetako gertaerak dira, sindikatuak langileen eta Euskal Herriaren alde egindako ibilbide nekaezinaren erakusgarri direnak.
