13 urtetik aurrera. Haurrek maiz galdetzen dute zergatik gertatu den gerra bat edo beste. Helduei egin ohi dizkiete galderok, baina helduok, maiz, ez dugu jakiten zer erantzun. Iñaki Egañaren liburu berria iluntasuna argitzera dator, kasu honetan Espainiako Gerra Zibilak Euskal Herrian eragindako sarraskia aintzat harturik. Modu sinple eta arin batean azaldurik, helduarentzako zein haurrarentzako ulertzen gaitzak diren pasarteak argitzen saiatu da.
