Sekula ez da izan herri mugimendurik halako obra baten jabe, bere kronika propioarena, eta are gutxiago gurea bezalako herrialde txiki bati buruz mintzo bagara. Orain dela berrogei urte baino gehiago, Euskal Herriak, bere ibilbide luzean, etapa berri bati ekin zion, bestelakoa, alboan dituen estatu boteretsu eta xurgatzaileen aldean bizitzeko gutxieneko espazioari eusteko edo hori berreskuratzeko asmoz. ETAren jaiotzarekin, ezker abertzalea sortu zen, eta horrekin euskal nazionalismoaren adierazpen modernoa, zeinak modu erabakigarrian moldatu eta baldintzatu baitu egun ezagutzen dugun Euskal Herria. Deus ez zatekeen berdin izanen Burgosko Prozesuaren gisako borrokarik gabe, Carrerorena bezalako ekintzarik gabe, Lemoizena moduko adibiderik gabe, fronte guztietan haien bizitza eman duten milaka gazteren eskaintza eskuzabalik gabe: fronte kulturala, politikoa, gerrillaria, sindikala, ekologista. Ez lortutako autonomia maila estuak, ez lortu behar dugunaren kontzientzia orokorra, biak ala biak ez ziratekeen berdinak izanen. Egun Euskal Herria bizia da, mugimenduan dagoen herria, eta eskaintzen dizugun lan hau horren beste froga bat da. Egiaren eta zehaztasun historiko eta dokumentalaren bilaketa eta testigantzen giza berotasuna elkarren osagarri dira obra honetan. Historiaren berrogeitahamar urteren kronika zehatza dugu hau; partekatutako horrenbeste oinazeri omenaldia; memoria bizirik gordeko duen euskarri dokumental izugarria; hiru belaunaldiren askatasun oihua; beste pauso bat etorkizunerantz. - Elkarrizketak dauzkaten 2 DVD dauzka. - 11 ale koloretan. - Aroen laburpena diren eta gertakizunak, lekuak eta pertsonak bilatzea errazten duten kronologiak dauzka. - Agiri inportanteenen bertsio osoa. - Dokumentazio laguntzailea, hauteskunde-emaitzak, balantze errepresiboak. - Hildako militante guztien biografiak. Errepresaliatu, preso eta torturatuen zerrendak. - Gertakizunak hurbildik bizi izan zituztenekin elkarrizketak. Ordaintzeko erraztasunak daude. Horretarako, deitu 948755476. Ordainketa 3, 6, 12 edo eta 24 epetan egin daiteke</b>. Koordinazioa: Luis Nuñez Egilea: Iñaki Egaña Elkarrizketak: Xabier Amuriza Kronologia: Mariasun Monzón Biografiak: Mertxe Aizpurua Dokumentalista Xabier Peñalver Argazkiak: Juantxo Egaña Maketazioa: Josu Landa Editorea: Jose Mari Esparza
