Kontaketa hunkigarri hau herri baten urraketari buruzko erreportajea da funtsean. Lan zorrotza, artatsua eta objektiboa da, zeinaren bitartez egileak, kontatzeko duen trebetasun bereziaz, Txileko estatu kolpearen inguruko zorigaiztoko orduetara eta ondorengo egunetara eramaten gaituen. Lehen orrialdetik inarrosten duen liburu zirraragarria, gertakariotako mina eta biolentzia Santiagoko karrikak odoleztatu zituen ehizaldia ikusi eta elkarren segidako jazarpenak pairatu ondoren bere azken egunak, hilzorian egonik, Britainia Handiko ipar-ekialdeko erietxe bakarti gris batean igarotzen dituen ekintzaile politiko baten eskutik aurkezten dizkiguna.
