Berak hain berezko dituen intentsitateaz, sentsualtasunaz eta narrazio indarraz kontatzen dizkigu Bellik orrialdeotan bizitzan egin zuen ibilbidea eta emakume den aldetik izan zuen bilakaera garaiko testigantza eta iraultzaren oroitzapen liriko bihurtu zituzten unerik erabakigarrienak. Bi errealitate paralelo, amodioa eta gerra, nahasten dira istorio honetan, lubaki sandinistetatik idealen iraunkortasunaz eta pasioaren indar eragileaz heldutasunetik abiaturiko hausnarketa egiten duen idazle baten aterpeko erosotasunera arrastatzen gaituen istorio ezin xamurrago honetan.
