12 urtetik aurrera. Herri aberatsak ez dira inoiz hain aberatsak izan, eta ezta herri pobreak sekula hain pobreak ere. Honela, herri pobreetako jendea, senideak gosez hil ez daitezen, halabeharrez sorlekua utzi, eta herri aberatsetara etortzen da lan egitera. Etorkinei, ordea, lan okerrenak eta neketsuenak eskaintzen zaizkie, eta oso gaizki ordaintzen zaie gehienetan. Jende askok, gainera, menpeko pertsonak balira bezala hartzen ditu.Izan ere, nahikoa zabalduta dagoen jokabidea da arrazismoa. Horregatik, hezkuntzaren garrantziaz jabeturik, haurrak eta gurasoak hezi nahian idatzi du egileak lan hau, alabaren galderei erantzunez. Liburua kolore guztien eta elkarrenganako errespetuaren aldarri bizia da.
