Venezuelak aldaketa sakonak bizi ditu azken aldian, bere nortasuna eta soberania berreskuratu nahian. Liburu honek lau hamarkadetan zehar izaniko borroka du hizpide, ustelkeriaren aurkako borroka. Izan ere, berrogei urtez bi alderdik erabat usteldu zuten boterea. Honi aurre egiteko, ordea, kalera atera zen herria eta, ohi bezala, tirokatua izan zen. Gero, Bolivarren aldeko militarrak atxa ziren agintari ustelen aurka eta Hugo Chavez herri xehearen aldarria bere egiten hasi zen. Honela, herriak eskatuta, aldaketa sakonei ekin diete Venezuelako egungo agintariek. Ez da erraza hainbeste urtez ustelkerian hezi eta ohitutako klase politikoa araztea, baina herriak jakin badaki Hugo Chavezek abiarazitako prozesua ez dela denbora galdua izanen.
