Lehen Karlistaldiaren amaierak, 1939an, azkartu egin zuen nekazari komunitateen aldaketa prozesua. Karlistaldiaren amaieran iritsi ziren erabaki fiskalek eta nekazaritzari lotutakoek aldaketa garrantzitsuak sortu zituzten egitura ekonomikoetan eta gizartean. Aldaketak hain handiak izan zirenez, XIX. mendearen erdialdeko urteetan ordura arte zutabe sendoak ziren ohiturak desagertuz joan ziren. Prozesu liberalen aurrean nekazariek emandako erantzuna, eta ohituren bazterketaren zein "ekonomia moralaren" utzikeriaren aurrean hartutako jarrera, liskar iturri izan ziren garai hartan, eta nekazariek hainbat errebolta bideratu zituzten. Iraultza burgesaren aurrean nekazariek haserrea adierazteko eta zegokiena aldarrikatzeko hartutako bidea izan zen.
