Pertsona ororen bizitzan gaixotasunak ongi etorria ez den istripu baten gisara gertatzen dira, bizitzaren haria tupustean moztuz. Alta, gorputzeko minak hizkuntza-modu bat ere badira, isilpean gordetzen ditugun gauza anitz organoen bidez azaleratzen baititugu. Liburuak dio ez dela uste behar gaitza norberaren historia psikiko eta emozionaletik at dagoen zerbait denik; ostera, gaixotasuna bakoitzaren bizitzaren istorioan osagarri dela pentsatzeko gonbita egiten digu. Herrialde anitzetako berrargitalpenek irakurleen interesa agerian utzi dute liburuan lantzen diren arazoei buruz. Era berean, asegabeko behar bat azaleratu egin da, egungo medikuntzak teknologiaren garapen ikusgarrien laguntzaz gainditzen dituen hamaika arazotatik haratago; behar horrek etengabeko bilaketa batean murgildu ditu gaixoak, horien hurbilekoak eta geroz eta mediku gehiago.
