Antonio Arraiz (1903-1962), venezuelar idazle, kazetari eta poeta. 1924an bere lehen poesia-lana argitaratu zuen, Aspero izenburuduna; Zezen eseria, Manco Capac, Moctezuma, Caupolican eta Hezahualcoyotl buruzagi indiarrei eskainia eta garaiko poesia abangoardistaren kontra. Arraizek kazetaritza landu zuen aktiboki; Caracasko Ahora egunkariaren zuzendari izan zen, baita hainbat urte geroago El nacional (1943-1948) egunkariaren sortzailea ere. Puros hombres bere lanak venezuelar eleberrigintzan mugarri izan zen eta bertako sona handiko idazle bihurtu zuen.
