Joxe Austin Arrieta Ugartetxea (Donostia, 1949). Banka-enplegatu eta itzultzailea, lanbidez. Poesia, narrazioa eta itzulpengintza jorratu ditu. Abuztuaren 15eko bazkalondoa (GAK) nobela argitaratu zuen 1979an eta, ondoren, besteak beste, Labur Aroz (Txalaparta, 1997) narrazio-bilduma. Poesia-liburuen artean, aipatzekoak dira Mintzoen mintzak (Elkar, 1989) edo Graffitien ganbara (Kutxa, 1995). Itzultzaile oparoa, W. Golding-en Eulien Ugazaba (Elkar, 1990) eta M. Frisch-en Homo Faber (Elkar, 2001) eleberrien itzulpenak lekuko.
